Ispaniya terma jamoasi va Kataloniyaning «Barselona» klubi sobiq himoyachisi Jordi Alba o'z vaqtida «Valensiya»da birga ishlagan murabbiy Unai Emeri haqida fikr bildirdi.

«Mening faoliyatimdagi eng muhim shaxs — Emeri. U maydondagi pozitsiyamni o'zgartirdi va menga yordam berish uchun qo'lidan kelganini qildi. Bu mening rivojlanishimda hal qiluvchi qadam bo'lgan. Avvaliga men himoyada o'ynashni xohlamaganman, ammo Unai shunday qaror qildi. Natijada, u tufayli menda muvaffaqiyatli karera shakllandi», — deya Albaning so'zlarini keltirgan Tribal Football.

Eslatib o'tamiz, Jordi Alba 2023 yildan buyon AQShning “Inter Mayami” klubi sharafini himoya qilib kelmoqda. U joriy mavsum yakunlangach, professional faoliyatini tugatishni rejalashtirgan.