«Chelsi» hujumchisi Joao Pedrodan hozirgi vaqtda dunyodagi eng yaxshi o'ng qanot himoyachisi kim ekani haqida so'rashdi.

«Menimcha, agar Ris Jeyms doimo barqaror holatda bo'lsa, u yuz foiz birinchi raqamli himoyachiga aylanadi. Chunki Ashraf Hakimiy ko'proq qanot bo'ylab yuguradigan futbolchi. Ris esa ancha universal o'yinchi. U himoyada ham, hujumda ham yaxshi o'ynaydi, jarima va burchak zarbalarini ham qoyillatib ijro eta oladi», — dedi Joao Pedro Rio Ferdinandning podkastida.

Ma'lumot uchun, Ris Jeyms «Chelsi» tarbiyalanuvchisi hisoblanadi. Uning London klubi bilan tuzgan shartnomasi 2032 yilning 30 iyunigacha mo'ljallangan. 2025/26 yilgi mavsumda himoyachi «ko'klar» safida barcha musobaqalarda 39 ta o'yinda maydonga tushib, 2 ta gol urdi va 7 ta golli uzatmaga mualliflik qildi.