Portugaliya terma jamoasi bosh murabbiyi Jorje Jezush Millatlar ligasi 4-turi doirasidagi Norvegiyaga qarshi o'yin oldidan o'tkazilgan matbuot anjumanida hujumchi Krishtianu Ronaldu bilan yarashish haqidagi savolga mavhum javob berdi. Bahs yakshanba, 4 oktyabr kuni bo'lib o'tadi.

- Birinchi navbatda diqqatni milliy jamoaga qaratish lozim. Norvegiyaga kelsak, muxlislar ham bayroqqa va terma jamoaning maqsadiga bo'lgan tuyg'ularimizni baham ko'rishlari kerak. Krishtianu Ronaldu - milliy jamoa ramzi, Portugaliya ramzi. O'yindan so'ng bu haqda gaplashish uchun vaqt ko'p bo'ladi, - dedi Jezush Record nashriga.

Ronaldu Millatlar ligasi 3-turidagi Daniyaga (3:2) qarshi o'yin oldidan, bosh murabbiy Jorje Jezushning hech qanday nizo yo'qligi haqidagi bayonotlariga qaramay, terma jamoa ixtiyorini tark etgan edi. Bir qator Portugaliya OAVlari Ronalduning milliy jamoadagi faoliyatini yakunlash niyati borligi haqida xabar berishdi. Shuningdek, Jezush hujumchi bilan yarashuv uchrashuviga rozilik bergani ham ma'lum qilingan edi.