Italiya terma jamoasi bosh murabbiyi Jennaro Gattuzo jamoasi 2026 yilgi Jahon chempionatiga yo'llanma ololmagani uchun uzr so'radi. Eslatib o'tamiz, italyanlar dunyo birinchiligida ishtirok etish huquqini beruvchi «A» yo'li pley-off final bosqichida Bosniya va Gertsegovinaga imkoniyatni boy berishdi (1:1, penaltilar seriyasida — 1:4).

«Italiya bo'lajak Jahon chempionatiga chiqa olmagani uchun shaxsan o'zim uzr so'rayman, biroq yigitlarimiz maydonda borini berishdi», — deya Gattuzoning so'zlarini Football Italia nashri keltirmoqda.

Hozirgi vaqtga kelib, italiyaliklar oxirgi marta 2014 yilgi Jahon chempionatida ishtirok etishgan. Ta'kidlash joizki, «Skuadra Adzurra» to'rt karra Jahon chempioni hisoblanadi.