Ispaniya terma jamoasi AQSh, Kanada va Meksikada bo'lib o'tadigan 2026 yilgi futbol bo'yicha jahon chempionati saralashida Gruziya terma jamoasi ustidan g'alaba qozondi.

Ispaniyaning Elche shahrida kechgan "E" guruhi uchrashuvi 2:0 hisobida mezbonlar foydasiga hal bo'ldi. Gollarni Yeremi Pino (24-daqiqa) va Mikel Oyarsabal (64) kiritdi. 29-daqiqada gruziyalik darvozabon Georgiy Mamardashvili Ferran Torresning penaltisini qaytardi.

Yana bir uchrashuvda Turkiya terma jamoasi Bolgariya terma jamoasini 6:1 hisobida mag'lub etdi.

Uchta tur yakunlariga ko'ra, Ispaniya terma jamoasi 9 ochko bilan "E" guruhida peshqadamlik qilmoqda. Ikkinchi o'rinda Turkiya terma jamoasi (6), uchinchi va to'rtinchi o'rinlarni mos ravishda gruzinlar (3) va bolgarlar (0) egallab turibdi.

Manba: www.stadion.uz.