Shveytsariya terma jamoasi 2026 yilgi Jahon chempionati guruh bosqichi uchrashuvida Qatar terma jamoasi bilan durang o'ynadi — 1:1. O'yin AQShning Santa-Klara shahridagi «Livays» stadionida bo'lib o'tdi.

Uchrashuvning 17-daqiqasida shveytsariyaliklar hujumchisi Brel Embolo penaltini aniq amalga oshirib, hisobni ochdi. 90+4-daqiqada esa qatarliklar himoyachisi Bualem Xuxi hisobni tenglashtirishga muvaffaq bo'ldi.

Shu tariqa, Shveytsariya va Qatar bir ochkodan jamg'arishdi. «B» guruhining boshqa ishtirokchilari — Bosniya va Gertsegovina hamda Kanada terma jamoalari hisobida ham bittadan ochko mavjud.

Navbatdagi o'yinda shveytsariyaliklar 18 iyun kuni Bosniyaga qarshi maydonga tushadilar, Qatar esa 19 iyun kuni Kanada bilan kuch sinashadi.

QATAR — ShVEYTsARIYa — 1:1
Gollar: Brel Embolo 17-pen (0:1), Bualem Xuxi 90+4 (1:1).
Qatar: Abunada, Pedru Migel, Xuxi, Axmed, Al-Oui (Budiaf, 60), Madibo (Al-Mannai, 78), Laye, Abdulsallam (Fati, 60), Afif, Edmilson Junior (Al-Xaydos, 88), Abdurisak (Al-Aeldin, 60).
Shveytsariya: Kobel, Elvedi, Akandji, Rodriges (Muxaym, 89), Zakariya, Djaka, Froyler (Yashari, 89), Ebisher (Manzambi, 65), Vargas (Amduni, 79), Ndoy (Rider, 65), Embolo.
Ogohlantirishlar: Abunada (16), Abdulsallam (23) — Zakariya (42).

Manba: www.stadion.uz.