Jahon chempionati–2026 yarim finali doirasida Angliya va Argentina terma jamoalari o'rtasidagi bahs o'z yakuniga etdi. AQShning Atlanta shahridagi «Mersedes-Bents Stedium»da bo'lib o'tgan uchrashuvni amerikalik hakam Ismail Elfat boshchiligidagi hakamlar brigadasi boshqardi.

Murosasiz kechgan bahsda Argentina irodali g'alabaga erishib, 2:1 hisobida zafar quchdi.

Hisobni 55-daqiqada Angliya hujumchisi Entoni Gordon ochdi. Argentina 85-daqiqada Entso Fernandesning goli evaziga muvozanatni tikladi. Qo'shimcha vaqtning 90+2-daqiqasida Lautaro Martines g'alaba golini kiritib, uchrashuvga nuqta qo'ydi — 2:1. Argentinaliklarning har ikki goliga Lionel Messi assistentlik qildi.

Eslatib o'tamiz, avvalroq o'tkazilgan boshqa yarim finalda Ispaniya Frantsiyani 2:0 hisobida mag'lub etgan edi. Endi JCh–2026 finalida Argentina va Ispaniya o'zaro chempionlik uchun bahs olib boradi. Final uchrashuvi 19 iyul kuni bo'lib o'tadi.

Jahon chempionati–2026. Yarim final
Angliya — Argentina — 1:2 (0:0)
Bosh hakam: Ismail Elfat (AQSh)
Gollar: 1:0 — Entoni Gordon, 55, 1:1 — Entso Fernandes, 85, 1:2 — Lautaro Martines, 90+2
Angliya: Jordan Pikford — Ris Jeyms, Jon Stounz, Mark Gehi, Djed Spens — Elliot Anderson, Deklan Rays — Morgan Rojers, Jud Bellingem, Entoni Gordon — Harri Keyn.
Argentina: Emiliano Martines — Nauel Molina, Kristian Romero, Lisandro Martines, Nikolas Talyafiko — Leandro Paredes, Enso Fernandes, Aleksis Makallister — Juliano Simeone, Lionel Messi, Xulian Alvares.

Manba: Stadion.uz