"Yuventus"ga tegishli bo'lgan va ijara asosida "Latsio"da to'p surayotgan tayanch yarim himoyachisi Nikolo Rovella muvaffaqiyatli operatsiya qilindi. Bu haqda Rim klubi matbuot xizmati xabar bermoqda.

Rovella 21 fevral kuni A Seriyaning 26-turi doirasida bo'lib o'tgan "Kalyari"ga qarshi o'yinda (0:0) o'ng o'mrov suyagini sindirib olgan edi. Yaqin kunlarda futbolchi maxsus reabilitatsiya dasturini bajarishga kirishadi.

Italiya terma jamoasi safida 1 ta o'yin o'tkazgan 24 yoshli Rovella joriy mavsumda jarohatlar sababli atigi 9 ta o'yinda maydonga tushdi va 1 ta golli uzatmani amalga oshirdi. Eslatib o'tamiz, u o'tgan yilning sentyabr oyidan shu yilning yanvar oyigacha osteomielit (suyak to'qimasining yallig'lanishi) tufayli maydonga tusha olmagan edi.