Jafar Irismetov Fabio Kannavaroning O'zbekiston terma jamoasiga murabbiy etib tayinlanishiga qarshi.

Avvalroq Italiya terma jamoasida jahon chempioni va 2006 yilgi "Oltin to'p" sohibi O'zbekiston terma jamoasini boshqarishga og'zaki ravishda rozi bo'lgani haqida xabar berilgan edi.

"Negadir ko'plab murabbiylar O'zbekiston terma jamoasini boshqarishdan bosh tortishdi. Rostini aytsam, men Kannavaro nomzodiga qarshiman. Jahon chempionatiga borish va yaxshi ishlash uchun Klopp darajasidagi murabbiyni yollashingiz kerak.

Kannavaro O'zbekiston terma jamoasi uchun eng yaxshi variant emas, rahbariyat boshqacha fikrda, ehtimol ular jarayonni yaxshiroq bilishadi. Kannavaro futbolimizni rivojlantirish uchun nima qila olishini bilmayapman. O'ylaymanki, u o'zining nomi tufayli, futbolchilik faoliyati tufayli bu lavozimga tayinlanmoqda.

Biz faqat ism emas, balki yordam beradigan murabbiyni yollashimiz kerak. Yaxshisi, yaxshi kareraga ega murabbiyni yollash kerak, agar siz mahalliy murabbiy o'rniga chet eldan murabbiy olib kelishga qaror qilsangiz, uning darajasi biroz boshqacha bo'lishi kerak", - dedi O'zbekiston terma jamoasining sobiq hujumchisi Irismetov.