"Barselona"ning sobiq yarim himoyachisi Ivan Rakitich yakshanba kungi "klasiko"dan nima kutayotgani haqida gapirib berdi.

Ispaniyaning ikki grandi joriy mavsumda ilk bor to'qnash keladi. Mazkur bahs La Liga 10-turi doirasida "Santyago Bernabeu"da bo'lib o'tadi.

"El-klasiko" - jahon futbolidagi eng muhim qarama-qarshilik, unda hamma ishtirok etishni xohlaydi. Hozirgi sharoitda ikkala jamoaga ham g'alaba kerak, shuning uchun o'yin juda shiddatli bo'ladi," - deya xorvatiyalik sobiq xavbekning javobini keltiradi The Touchline.

Ivan Rakitich 2014-2020 yillarda "Barselona" sharafini himoya qilgan. U shu yilning iyul oyida faoliyatini yakunlagan.

O'zaro o'yin oldidan "Real" "Barsa"dan 2 ochkoga oldinda bormoqda.