Italiyalik jurnalist Arturo Leonchi O'zbekiston terma jamoasi bosh murabbiyligiga Fabio Kannavaro tayinlanganiga munosabat bildirdi.

Uning fikricha, bu Kannavaro uchun juda katta imkoniyat — u saralash bosqichlarini chetlab o'tib, darhol 2026 yilgi jahon chempionatida ishlash imkoniyatiga ega bo'ldi.

— Menimcha, bu Kannavaro uchun orzu bo'lgan ish. U to'g'ridan-to'g'ri jahon chempionatiga boradi, saralashsiz. Uning Osiyoda ish tajribasi bor, Italiyada ham ozgina faoliyat yuritgan. Lekin terma jamoa bilan ishlashda bu unchalik muhim emas. Asosiysi — u yirik musobaqalarda ulkan tajribaga ega. Unga omad tilayman! Juda istardimki, jahon chempionatida Italiya va O'zbekiston to'qnash kelsin. Kannavaro — Gattuzo! Bu ajoyib bo'lardi! — dedi Leonchi.

Eslatib o'tamiz, Fabio Kannavaro O'zbekiston terma jamoasini 2026 yilgi jahon chempionatiga tayyorlaydi. Ayni paytda Italiya terma jamoasini Jennaro Gattuzo boshqarmoqda.

Manba: euro-football.ru