Taniqli ispaniyalik jurnalist Kilian Mbappening joriy mavsumdagi natijalari bundan ham hayratlanarli bo'lishi mumkin edi, deb hisoblamoqda.

Seshanba kuni frantsiyalik hujumchi «Alaves»ga qarshi bahsda (2:1) gol urib, jamoasining g'alabasiga hissa qo'shdi. 27 yoshli yulduzning joriy mavsumdagi ko'rsatkichi barcha musobaqalarda 40 ta o'yinda 41 ta golga etdi. Shunday bo'lsa-da, ESPN jurnalisti Xaver Rodriges Paskual uning samaradorligi haqida tanqidiy fikr bildirdi.

«Mbappe 40 ta gol urdi, lekin aslida 80 ta urishi kerak edi. U juda ko'p vaziyatlar yaratadi, lekin shu bilan birga, ularning ko'pini ko'kka sovuradi», — dedi Paskual.

Hozirda Kilian Mbappe 24 ta gol bilan La Liga to'purarlar poygasida peshqadamlik qilmoqda.