"Barselona" vingeri Rafinya Dias La Liga doirasidagi "Real"ga qarshi muhim o'yinni o'tkazib yuborishi mumkin.

Braziliyalik futbolchi sentyabr oyi oxirida safdan chiqqan, shu sababli "ko'k-anorranglilar"ning uchta o'yini va oktyabr oyidagi terma jamoa yig'inini o'tkazib yuborgandi. RAC1 xabariga ko'ra, Rafinyada ba'zi asoratlar paydo bo'lgan. 28 yoshli futbolchi hamon bo'lajak "el-klasiko"ga qadar tiklanishga umid qilmoqda, ammo uning printsipial uchrashuvda ishtirok etish ehtimoli hozircha yuqori baholanmayapti.

"Barselona" safarda "Real"ga qarshi o'yinni 26 oktyabr kuni o'tkazadi. Unga qadar Xans-Diter Flik jamoasi "Jirona" (18.10) va Gretsiyaning "Olimpiakos" (21.10) jamoalari bilan kuch sinashadi.