Madridning «Real» klubi yarim himoyachisi Tyago Pitarch Ispaniya terma jamoasida o'ynashga qaror qildi. Bu haqda «qizil furiya» bosh murabbiyi Luis de la Fuente ma'lum qildi.

«Pitarch Ispaniya uchun o'ynashni istaydi — bu ajoyib yangilik. U 19 yoshgacha bo'lgan terma jamoada tajriba to'playdi, keyin esa vaqti kelganda asosiy jamoaga qo'shiladi. U bizning terma jamoani tanlaganidan juda xursandman», — deya Madrid Xtra de la Fuentening so'zlaridan iqtibos keltiradi.

Tyago Pitarch Ispaniyada tug'ilgan, biroq unda Marokash fuqaroligi ham bor. Yaqin-oradagina 18 yoshli futbolchi hali bir qarorga kelmaganini tan olgan edi. Istiqbolli yarim himoyachi «Real»ning asosiy tarkibida hozirgacha ettita o'yin o'tkazishga ulgurdi.