«Liverpul» hujumchisi Aleksander Isak Chempionlar ligasi chorak finali doirasidagi «PSJ»ga qarshi kechadigan ilk o'yin qaydnomasidan joy oldi, deb xabar bermoqda mersisaydliklar matbuot xizmati.

Uchrashuv chorshanba, 8 aprel kuni Parijda bo'lib o'tadi va Toshkent vaqti bilan tungi soat 00:00 da boshlanadi.

Eslatib o'tamiz, 20 dekabr kuni Angliya chempionati 17-turidan o'rin olgan «Tottenxem»ga qarshi bahsda (2:1) Isak jarohat olib, maydonni tibbiyot xodimlari yordamida tark etgan edi. Keyinchalik futbolchining kichik boldir suyagi singani ma'lum bo'lgandi.

Isak «Liverpul» safida barcha turnirlarda 16 ta o'yin o'tkazib, 3 ta gol urdi. U 1 sentyabr kuni «Nyukasl»dan 145 million evro evaziga jamoa safiga kelib qo'shilgan edi.