Milanning «Inter» klubi rahbariyati yozgi transferlar oynasida uch nafar futbolchi bilan xayrlashishni rejalashtirmoqda. Bu haqda Corriere dello Sport jurnalistlari xabar bermoqda.

Manbaga ko'ra, Italiyaning top-klubini uch nafar yarim himoyachi tark etadi: Luis Enrike, Aleksandar Stankovich va Davide Frattezi. «Neradzurrilar» ushbu uchlikni sotish orqali taxminan 90 million evro ishlab olishni ko'zlamoqda.

Eslatib o'tamiz, «Inter» joriy mavsumda Italiya A Seriya chempioniga aylandi. Bundan tashqari, Milan jamoasi mamlakat Kubogini ham qo'lga kiritdi. Final uchrashuvida ular Rimning «Latsio» klubini 2:0 hisobida mag'lubiyatga uchratishdi.