Milanning "Inter" klubi bosh murabbiyi Kristian Kivu jamoa darvozaboni Yann Zommerni asosiy tarkibdan olib tashlamoqchi emasligini aytdi.

"Neradzurrilar" Chempionlar Ligasi doirasidagi "Ayaks"ga qarshi o'yinga yaxshi formada emas: jamoa A Seriyadagi so'nggi ikki o'yinda "Yuventus"ga (3:4) va "Udineze"ga (1:2) yutqazgan. Zommer qattiq tanqidga uchradi, chunki u bir necha qo'pol xatolar qildi.

"Men Zommerni tanqid qilishgani uchun o'zgartirmayman. Men Xosep Martinesni [ikkinchi darvozabonni] juda hurmat qilaman va u o'z imkoniyatlariga ega bo'ladi, ammo qiyinchiliklarni boshdan kechirayotgan futbolchilarni qo'llab-quvvatlash kerak. Yann ertangi o'yinni asosiy tarkibda boshlaydi. Menimcha, unga tashlanish adolatdan emas," - dedi Kivu matbuot anjumanida.