Germaniya terma jamoasining sobiq futbolchisi Ilkay Gyundogan "Liverpul"ning germaniyalik yarim himoyachisi Florian Virts haqida fikr bildirdi.

"Enfild"ga ko'chib o'tganidan keyin 22 yoshli Virts muntazam ravishda tanqidga uchramoqda, chunki u hamma kutayotgan darajani ko'rsata olmayapti.

"Bunday qimmat (125 mln evro) bo'lishida Floning aybi yo'q. Shunday bo'lsa-da, odamlar undan ko'p narsa kutishi aniq. Ammo Premer-ligada hech bir futbolchi Flodek ko'p vaziyat yaratmaganini o'qigandim. Men golli uzatma va gollarga emas, chuqurroq tahlilni ko'rishni istardim," - deya Gyundoganning so'zlarini keltiradi Transfer Sector.

Gyundoganning ta'kidlashicha, Virtsning ajoyib fazilatlarini ko'rmagan odam futbolda hech narsani tushunmaydi. U xavbekning samaradorligi yaqin bir oydayoq me'yoriga kelishiga ishonmoqda.