Madridning «Real» klubi yarim himoyachisi Arda Gyuler sobiq ustozi Xabi Alonsodan xabar olgani haqida so'zlab berdi. Aprel oyida turkiyalik futbolchi Chempionlar ligasi 1/4 finali doirasida «Alyants Arena»da «Bavariya»ga qarshi kechgan bahsda «dubl» qayd etib, yorqin o'yin namoyish qilgandi.

«O'sha o'yindan so'ng Xabi Alonso menga xabar yozdi — u mendan juda faxrlanishini bildirdi. Buni o'qish men uchun juda yoqimli bo'ldi», — deya Gyulerning so'zlarini keltiradi Madrid Xtra.

Eslatib o'tamiz, «qirollik klubi» Myunxenda 3:4 hisobida mag'lub bo'lib, Chempionlar ligasi bilan xayrlashgandi. Alonso joriy yilning yanvar oyida «Real» bosh murabbiyi lavozimidan ozod etilgan edi. Uning o'rnini mavsum yakuniga qadar jamoani boshqargan Alvaro Arbeloa egallagandi.