Madridning "Real" klubi yarim himoyachisi Arda Gyuler jamoaning sobiq ustozi Karlo Anchelotti haqida fikr bildirdi. Ayni paytda italiyalik mutaxassis Braziliya terma jamoasida ishlamoqda.

"Karlo - tarixdagi eng yaxshi murabbiylardan biri. Bir paytlar u jurnalistlarga men dunyodagi eng yaxshi yarim himoyachilardan biriga aylanishimni aytganini unutmasligimiz kerak. O'ynamagan paytlarimda qiynalganman, lekin aytilgan gaplar ambitsiyamni oshirib yuborgan. Men o'z imkoniyatimni kutdim," - deya Gyulerning so'zlarini keltiradi Marca.

20 yoshli turkiyalik futbolchi "qaymoqranglilar" safida 2023 yildan buyon to'p tepib kelmoqda. U joriy mavsum 10 ta o'yinda 3 ta gol va 4 ta golli uzatmaga mualliflik qilgan.