"Manchester Siti" bosh murabbiyi Xosep Gvardiola hujumchi Erling Xolandning to'purarlik salohiyati haqida gapirdi.

Norvegiyalik futbolchi shanba kuni Premer-ligada "Byornli"ga qarshi o'yinda (5:1) dubl qayd etdi. 25 yoshli forvard chempionat to'purarlari ro'yxatida yaqqol etakchilik qilmoqda - uning hisobida oltita o'yinda sakkizta gol bor.

"Uning samaradorlik ko'rsatkichlari aql bovar qilmas darajada. Bu hazilga o'xshaydi, ammo bu haqiqat va bu shunchaki aql bovar qilmaydi," - deya Gvardiolaning so'zlarini keltiradi City Report.

1 oktyabr, chorshanba kuni "Manchester Siti" Chempionlar ligasi doirasida "Monako" mehmoni bo'ladi.