«Manchester Siti» bosh murabbiyi Xosep Gvardiola hujumchi Erling Xolandning Chempionlar ligasidagi yutug'i haqida fikr bildirdi.

Avvalroq xabar qilinganidek, Norvegiya terma jamoasi hujumchisi «Napoli»ga qarshi (2:0) umumiy bosqich 1-tur uchrashuvida o'zining 50-golini urdi. U bu ko'rsatkichga musobaqadagi 49-uchrashuvda erishdi va turnir tarixida eng tezkor futbolchiga aylandi.

«Nima deyishim mumkin? Statistika o'z-o'zidan guvohlik beryapti. Safimizda uning borligi katta omad. Faqat uni tabriklashni istayman, chunki u Ruud van Nistelroy, Robert Levandovski kabi to'purarlar hamda, ayniqsa, 20 yil davomida hukmronlik qilgan ikki monstr — Krishtianu Ronaldu va Lionel Messi qatoriga kirdi. Erling ular qatorida turishi — haqiqatan ham ajoyib holat», — dedi Gvardiola.

Xoland 2022 yildan beri «Manchester Siti» sharafini himoya qilib keladi. Uning klub bilan shartnomasi 2034 yilgacha amal qiladi.

Manba: championat.com