"Manchester Siti" bosh murabbiyi Xosep Gvardiola yarimhimoyachi Bernardu Silvaning kelajagi haqida gapirdi. Seshanba kuni portugaliyalik futbolchi "shaharliklar"ga safarda "Nyukasl"ni mag'lub etishga yordam berdi (2:0) va golli uzatmani amalga oshirdi.

"Bernardu qanchalik yaxshiligini tasavvur ham qilolmaysiz. Bizga u etishmaydi. Umid qilamanki, u klub bilan shartnomasini bilmadim necha asrga uzaytira oladi. Bu yigit jangchi, u barcha qoidalarni biladi, hamma narsani biladi", - deya Gvardiolaning so'zlarini keltiradi jurnalist Sem Li.

31 yoshli "Manchester Siti" sardorining amaldagi shartnomasi joriy mavsum yakunlangach o'z nihoyasiga etadi.