"Manchester Siti" bosh murabbiyi Pep Gvardiola hujumchi Erling Xoland jamoasining o'yini tufayli gol ura olmayotganini aytdi.

25 yoshli norvegiyalik futbolchi so'nggi to'qqizta o'yinda faqat bir marta - "Brayton" darvozasiga penaltidan gol urgan. Golsiz seriya beshta o'yinga etdi.

- Xoland hali ham qattiq charchoq his qilyaptimi?

- Ko'ramiz. Uning gol urmayotganining sababi - jamoa. Jamoa yaxshiroq o'ynashi, ko'proq vaziyatlar yaratishi kerak va u gol uradi.

Hujumchilarga hech qachon past baho bermang, chunki ular har doim sizni jim bo'lishga majbur qiladi. U umrining oxirigacha gol uradi, bu aniq," - dedi Pep.

Chorshanba kuni "Siti" Chempionlar ligasi umumiy bosqichining so'nggi turida "Galatasaroy"ni qabul qiladi.