"Manchester Siti" bosh murabbiyi Xosep Gvardiola Niko O'Raylining o'yini haqida qanday fikrda ekanini aytdi. Chorshanba kuni 20 yoshli futbolchi Chempionlar ligasi doirasida Madridning "Real" klubiga qarshi o'yinda gol urdi. Uchrashuv 2:1 hisobida "shaharliklar"ning g'alabasi bilan yakunlandi va yosh inglizga bellashuvning eng yaxshi futbolchisi sovrini topshirildi.

"Niko juda yaxshi. Aftidan, u hozirda Angliya terma jamoasining asosiy chap qanot himoyachisi. Uning aql bovar qilmaydigan tezligi bor, u aqlli. To'g'ri, ba'zida xatolar bo'lib turadi, lekin u harakat qiladi va bu ajoyib natija beradi," - dedi Gvardiola o'yindan keyingi intervyusida.

"Manchester Siti" safidagi ikkinchi gol Erling Xoland tomonidan penaltidan kiritildi. "Real" safida Rodrigo gol urdi.