Pep Gvardiola "Real" bilan o'yinlarda ko'proq muvaffaqiyatga erishmoqda.

Kecha 54 yoshli mutaxassis boshchiligidagi "Manchester Siti" Chempionlar ligasida madridliklarni ularning o'z maydonida 2:1 hisobida mag'lub etdi.

Bu Gvardiolaning "Real"ga qarshi bosh murabbiy sifatidagi 28-o'yini edi. Pep 14 ta g'alaba qozongan, 8 marta mag'lubiyatga uchragan va yana 6 ta uchrashuv durang bilan yakunlangan.

Ispaniyalik mutaxassis "Man Siti"ga kelishidan oldin "Bavariya" va "Barselona" jamoalariga murabbiylik qilgan.