Angliya Premer-ligasining 35-turi doirasida «Manchester Siti» o'z maydonida «Brentford»ni qabul qilib, 3:0 hisobida g'alaba qozondni.

Uchrashuvdagi barcha gollar ikkinchi bo'limda kiritildi. Jeremi Doku (60-daqiqa), Erling Xoland (75) va Omar Marmush (90+2) tomonidan kiritilgan to'plar mezbonlarga muhim uch ochkoni taqdim etdi.

«O'tgan turda «Everton»ga qarshi bahsda g'alabani qo'ldan chiqargan edik, lekin bu — futbol. Muvaffaqiyatsizlikdan so'ng to'g'ri xulosa chiqarib, munosabat bildirish juda muhim. Bugun Mark Gexi va Natan Ake o'zlarini juda yaxshi ko'rsatishdi. Men jamoam o'yinidan mamnunman», — deya bosh murabbiy Xosep Gvardiolaning so'zlarini keltirmoqda City Report.

Ushbu g'alabadan so'ng «Manchester Siti» 35 turdan keyin turnir jadvalida ikkinchi o'rinni egallab turibdi. Jamoa peshqadam «Arsenal»dan ikki ochkoga ortda qolmoqda.