"Manchester Siti" bosh murabbiyi Xosep Gvardiola Rojdestvo bayramida jamoasi futbolchilarining vazn yig'ishini kuzatib borishni rejalashtirmoqda.

"Ular istagan narsalarini eyishlari mumkin, lekin men ularni nazorat qilishni xohlayman. "Nottingem Forest" bilan 27-sanada bo'ladigan o'yin uchun tarkib tanlashim kerak. Tasavvur qiling, o'yinchi hozir juda yaxshi sport formasida, lekin uch kilogramm ortiqcha vazn bilan qaytmoqda. U Manchesterda qoladi va Nottingemga bormaydi. Bu aniq," - deya Gvardiolaning so'zlarini keltiradi Daily Mail.

"Manchester Siti" Angliya chempionatida 17 ta o'yin o'tkazib, ochkolari sonini 37 taga etkazib oldi va musobaqa jadvalida 2-o'rinda bormoqda. Turnirda Londonning "Arsenal" klubi 39 ochko bilan peshqadamlik qilmoqda.