«Manchester Siti» bosh murabbiyi Pep Gvardiola mavsumning qanday yakunlanishidan qat'i nazar, jamoasining saviyasi haqidagi fikri o'zgarmasligini ma'lum qildi.

«Agar hozir menga qolgan oltita o'yinning barchasida mag'lub bo'lamiz desangiz ham — umid qilamanki, bunday bo'lmaydi — jamoam baribir kuchli bo'lib qolaveradi. Hech narsa o'zgarmaydi.

Agar siz sovrinlar uchun kurashning final bosqichigacha etib kelgan bo'lsangiz, demak, haqiqatan ham ajoyib mavsumni o'tkazgansiz. Hech narsa mening fikrimni o'zgartira olmaydi...» — deya Gvardiolaning so'zlaridan iqtibos keltirmoqda Sky Sports.