"Manchester Siti" bosh murabbiyi Xosep Gvardiola yana bir bor Janluiji Donnarummani o'z safiga qo'shib olgani haqida gapirdi.

Italiyalik futbolchi "shaharliklar" safida "Manchester Yunayted"ga qarshi derbida debyut qildi. Uchrashuv Gvardiola jamoasining 3:0 hisobidagi yirik g'alabasi bilan yakunlandi.

"Biz katta tajribaga ega futbolchini qo'lga kiritganimizni bilamiz. Ayniqsa, u o'tgan mavsumda "PSJ"da o'zini ko'rsata oldi. Janluiji Premer-ligada o'z kuchini sinab ko'rganidan xursand, u bu sarguzashtdan zavq olmoqchi. Uning bizga o'tishga qaror qilgani juda yaxshi bo'ldi. Bizda shunday futbolchi borligidan juda xursandmiz," - deya ispaniyalik murabbiyning so'zlarini keltiradi "Gazeta.Ru."