Italiyaning "Milan" klubi va Niderlandiya terma jamoasining sobiq yulduzi Ruud Gullit bugungi futboldan norozi. Uning fikricha, futbol tobora taktik va faqat jamoaviy o'yinga aylanib bormoqda — Ruudga esa Lamin Yamal kabi yorqin individual mahorat egalari ko'proq yoqadi.

"Lamin Yamal kabi o'yinchilar tobora kamayib bormoqda — u bir o'zi bir nechta raqibni aldab o'ta oladigan inson. Bugun esa hamma faqat pas beradi, pas beradi va yana pas beradi", — deya Gullitning so'zlarini keltiradi derbyderbyderby.it.

Eslatib o'tamiz, Gullit Niderlandiya terma jamoasi o'z tarixidagi yagona yirik sovrin — Evro-1988 musobaqasida g'olib chiqqanda jamoa etakchilaridan biri bo'lgan edi.