"Nyukasl" jamoasi qanot vingeri Entoni Gordon Chempionlar ligasi va APL o'rtasidagi farq haqida o'z fikrini bildirdi.

"Chempionlar Ligasida jamoalar ochiqroq o'ynashadi. Hamma haqiqiy futbol ko'rsatishga intiladi. Premer-ligada esa futbol jismoniy jihatdan har qachongidan ham kuchliroq tus oldi. Ba'zida bu basketbol o'yinini eslatadi. Chempionlar Ligasi esa eski uslubdagi o'yin. U ko'proq sof futbolga asoslangan. Jamoalar kelib, chinakam futbol o'ynashga harakat qilishadi. APL hozir ancha sekinlashgan va ko'proq standart vaziyatlarga e'tibor qaratilmoqda," - dedi Gordon matbuot anjumanida.

Eslatib o'tamiz, "Nyukasl" joriy mavsumda Chempionlar ligasida harakat qilmoqda.