Italiya terma jamoasi bosh murabbiyi Jennaro Gattuzo Isroilga (3:0) qarshi o'yindan so'ng o'z taassurotlari bilan o'rtoqlashdi.

"Barchasini yaxshi uddaladik. O'tgan oyda xuddi shu raqib bizni asabiylashtirganini hamma yaxshi eslaydi [ 5:4 g'alaba]. O'ylaymanki, bugun o'yinni yaxshiroq nazorat qildik, garchi bir-ikki marta Donnarumma jamoani qutqarishiga to'g'ri kelgan bo'lsa-da. Kayfiyatdan mamnunman. Biz kerakli tarzda harakat qildik," - dedi Gattuzo RAI Sport bilan suhbatda.

Italiya terma jamoasi saralash guruhi turnir jadvalida 15 ochko bilan ikkinchi o'rinni egallab turibdi va marraga ikki tur qolganida Norvegiyadan uch ochko ortda qolmoqda.