Londonning «Arsenal» klubi hujumchisi Gabriel Jezus jamoaning eng yaxshi futbolchisi kim ekanligi haqidagi fikri bilan o'rtoqlashdi.

«Jamoamizdagi bir nechta futbolchini ajratib ko'rsatish mumkin, lekin men Martinellini tanlayman. U hali faoliyatining boshidayoq meni hayratda qoldirgan edi. Uning kundalik mashg'ulotlarini kuzatsangiz, uning qanchalik mahoratli ekanligini darrov tushunasiz. O'yin vaqtida ham bu fazilatlar juda muhim», — dedi Jezus Romario TV telekanaliga bergan intervyusida.

Eslatib o'tamiz, Martinelli «kanonirlar» safiga 2019 yilda kelib qo'shilgan, Jezus esa 2022 yildan beri London jamoasi sharafini himoya qilib kelmoqda.