O'zbekistonning turli yoshdagi terma jamoalarida to'p surgan futbolchi Xushnudbek Avilov vafot etdi. Bu haqda Hannews.kz nashri xabar bermoqda.

Avilov faoliyati davomida mamlakatning bir qator etakchi klublari — “Paxtakor”, “Navbahor”, “Andijon”, “Qo'qon-1912” va “Turon” jamoalarida o'ynagan. Uning so'nggi jamoasi Toshkentning “Do'stlik” klubi bo'ldi. Futbolchi mazkur jamoa safida 2024-yildan buyon harakat qilib kelayotgan edi.

Xushnudbek Avilov o'z vaqtida O'zbekistonning U-19, U-21 va U-22 terma jamoalariga ham chaqirilgan va xalqaro maydonlarda mamlakat sharafini himoya qilgan.

Hozircha futbolchining o'limi sabablari ochiqlanmagan.

Manba: daryo.uz