Frantsiya prezidenti Emmanuel Makron Evropa Chempionlar ligasi yarim finalidan o'rin olgan «PSJ» va «Bavariya» o'rtasidagi bahs oldidan o'z fikrlari bilan o'rtoqlashdi. Davlat rahbari garchi ichki chempionatda boshqa jamoaga xayrixoh bo'lsa-da, xalqaro maydonda Parij klubini qo'llab-quvvatlashini bildirdi.

«Men asli «Marsel» muxlisiman, ammo bugun Frantsiya sharafini «PSJ» himoya qiladi. Shunday ekan, men «PSJ»ga muxlislik qilaman! Taxminim? Menimcha, «PSJ» 3:1 hisobida g'alaba qozonadi», — deya Makronning so'zlarini keltiradi L’Équipe nashri.

Eslatib o'tamiz, 2025/2026 yilgi mavsum yarim finalining ilk uchrashuvi bugun, 28 aprel oqshomida Parijdagi «Park de Prens» stadionida bo'lib o'tadi. Javob o'yini esa 6 may kuni Myunxenda o'tkaziladi. Chorak finalda parijliklar «Liverpul»ni (umumiy hisob 4:0), myunxenliklar esa Madridning «Real» klubini (6:4) musobaqadan chiqarib yuborishgan edi.