Italiyaning «Fiorentina» klubi bosh murabbiy Paolo Vanoli bilan xayrlashadi, OAV buni allaqachon hal bo'lgan masala sifatida yozmoqda. Shuningdek, klub rahbariyati Vanolining o'rnida ko'rishni istagan mutaxassislar ham ma'lum — bular ayni damda «Sassuolo»ni boshqarayotgan Fabio Grosso hamda Rimning «Latsio» klubida faoliyat yuritayotgan Mauritsio Sarridir.

Xorijlik murabbiyni taklif qilish — ikkinchi darajali variant sifatida ko'rilmoqda. Hozirda klub Italiya chempionati turnir jadvalida 15-o'rinni egallab turibdi, vaholanki aynan Vanoli qo'l ostida jamoaning ishlari ijobiy tomonga o'zgara boshlagan edi.