Angliya va Urugvay terma jamoalari o'rtasida o'rtoqlik uchrashuvi bo'lib o'tdi. London shahridagi «Uembli» stadionida kechgan bahsni germaniyalik hakam Sven Yablonski boshqardi. Uchrashuv 1:1 hisobidagi durang bilan yakunlandi.

81-daqiqada Angliya himoyachisi Ben Uayt hisobni ochdi. Uchrashuvning so'nggi daqiqalarida, aniqrog'i 90+4-daqiqada Urugvay yarim himoyachisi Federiko Valverde javob golini kiritib, jamoasini mag'lubiyatdan qutqardi.

Har ikki jamoa ham 2026 yilda AQSh, Kanada va Meksikada bo'lib o'tadigan jahon chempionatida ishtirok etadi. Angliya L guruhida Xorvatiya, Gana va Panamaga qarshi maydonga tushadi. Urugvay esa H guruhida Ispaniya, Kabo-Verde va Saudiya Arabistoni bilan bahs olib boradi.

O'rtoqlik uchrashuvi
27 mart 2026 yil, juma.
Angliya — Urugvay - 1:1
Gollar: 1:0 — Uayt (81), 1:1 — Valverde (90+4)

Manba: stadion.uz