«Real» prezidentligiga nomzod Enrike Rikelme juma kuni saylovda g'alaba qozongan taqdirda jamoaga bosh murabbiy bo'ladigan mutaxassisning ismini e'lon qilishini ma'lum qildi.

«Biz murabbiyimizni juma yoki shanba kuni e'lon qilamiz. U katta yulduz va «Real»ning har bir muxlisi ko'rishni istagan murabbiydir», — deya Rikelmening so'zlarini keltiradi MadridZone.

ESPN ma'lumotlariga ko'ra, ispaniyalik biznesmen germaniyalik mutaxassis Yurgen Kloppning vakillari bilan allaqachon ikki marta uchrashgan. U nemis murabbiyini «Real»ni boshqarishga ko'ndirish niyatida.

«Real»da prezidentlik saylovlari yakshanba kuni, 7 iyun kuni bo'lib o'tadi.

2025/26 yilgi mavsumda «Real» 86 ochko jamg'arib, Ispaniya chempionatida ikkinchi o'rinni egalladi. Turnir g'olibi esa 94 ochko bilan «Barselona» bo'ldi.