"Real" prezidenti lavozimiga nomzod Enrike Rikelme, agar saylovda g'olib chiqsa, "Manchester Siti" yarim himoyachisi Rodrini jamoaga olib kelishga va'da berdi.

"Agar men "Real" prezidenti bo'lsam, Rodri kabi o'yinchi "Madrid"da o'ynaydi", — dedi Rikelme "Tiempo de Juego" dasturiga bergan intervyusida.

Uning so'zlariga ko'ra, Rodrining transferi Ispaniya terma jamoasida birorta ham "Real" futbolchisi yo'qligidek "og'riqli sharmandalik"dan qochishga yordam beradi.

Rikelme Rodri haqidagi bayonoti u ilgari e'lon qilgan yulduzlar bilan bog'liq emasligini aniqlashtirdi. Prezidentlikka nomzod ularning ismlarini kelasi chorshanba kuni oshkor qilmoqchi. U gap Ispaniyadan tashqaridagi futbolchilar haqida ketayotganini tasdiqladi.

"Aniq ismlar aytiladi. Agar men prezident bo'lsam, bular "Real"da o'ynashi kerak bo'lgan o'yinchilardir", — dedi Rikelme va kamida ikkita transfer amalga oshirishni va'da qildi.