Braziliya terma jamoasi hujumchisi Endrik jahon chempionatidagi o'zining ilk uchrashuvini o'tkazdi.

«Selesao» bosh murabbiyi Karlo Anchelotti 19 yoshli futbolchini Gaiti bilan bahsning 64-daqiqasida, o'yinda dubl qayd etgan Mateus Kunyaning o'rniga maydonga tushirdi. Porlayotgan yangi yulduz maydonga tushgan vaqtda tabloda allaqachon 3:0 hisobi aks etib turgan edi.

Endrik uchun bu mundialning final bosqichi doirasidagi debyut o'yin bo'ldi. Guruh bosqichi 1-turidan o'rin olgan Marokashga qarshi uchrashuvda madridning «Real» klubi istiqbolli forvardi zaxira o'rindig'ida qoldirilgan edi.

Manba: Stadion.uz