Braziliya terma jamoasi hujumchisi Endrik jamoa bosh murabbiyi Karlo Anchelotti haqida nima deb o'ylashini ma'lum qildi.

Italiyalik mutaxassis o'tgan yilning yozi boshida ushbu lavozimni egallagan edi. Jahon chempionati — 2026’da braziliyaliklar hozirgacha ikkita o'yin o'tkazib, ularda Marokash bilan ochko bo'lishishdi (1:1) va Gaitini tor-mor etishdi (3:0).

«Anchelotti — buyuk murabbiy, menga uning yondashuvi juda yoqadi. Karlo biz bilan ishlayotgani uchun Xudoga shukrona aytaman. U Endrik uchun yoki muxlislar uchun emas, balki butun jamoa uchun bor kuchini bermoqda», — deya Gaiti bilan bahsda zaxiradan maydonga tushib, mundialda debyut qilgan Endrikning so'zlarini keltiradi Madrid Zone nashri.

25 iyun kuni Toshkent vaqti bilan soat 03:00 da «selesao»ning Shotlandiyaga qarshi bahsi start oladi.

Manba: Stadion.uz