"Aston Villa" bosh murabbiyi Unai Emeri klubning qishki transferlar bozoridagi rejalari haqida fikr bildirdi.

"Klub mumkin bo'lgan variantlar ustida mas'ullar bilan ishlamoqda. Agar tarkibni kuchaytirish imkoni bo'lsa, buni amalga oshiramiz", - dedi Emeri jurnalistlarga matbuot anjumanida.

"Aston Villa" Angliya chempionati turnir jadvalida uchinchi o'rinda bormoqda. Jamoa 10 yanvar, shanba kuni milliy kubokning 3-raundida "Tottenxem" mehmoni bo'ladi.