"Aston Villa" bosh murabbiyi Unai Emeri yarimhimoyachi Xarvi Elliott nega "Manchester Siti"ga qarshi kechgan o'yinda qaydnomaga kiritilmagani haqidagi savolga javob berdi. APL 9-turidan o'rin olgan uchrashuv "sherlar"ning 1:0 hisobidagi g'alabasi bilan yakunlandi.

"Men unga shu ruhda davom etishini aytdim. Xarviga ishonaman. Men undan mamnunman, u yaxshi mashq qilmoqda. U juda intiluvchan, u yaxshi yigit. Bu taktik qaror edi", - deya Emerining so'zlarini keltiradi jurnalist Fabritsio Romano.

Sentyabr oyida "Aston Villa" Eliottni mavsum oxirigacha "Liverpul"dan ijaraga oldi. "Sherlar" safida u barcha turnirlarda beshta o'yinda maydonga tushib, bitta gol urgan.