«Aston Villa» bosh murabbiyi Unai Emeri Evropa Ligasi yarim finaliga chiqish borasida istalgan boshqa murabbiydan ikki baravar ko'proq natija qayd etgan.

Emeri o'z murabbiylik faoliyati davomida ettinchi bor Evropa Ligasining 1/2 final bosqichiga etib keldi. Boshqa birorta murabbiy hisobida uchtadan ortiq yarim final mavjud emas.

Bungacha Emeri «Valensiya» (2012), «Sevilya» (2014–2016), «Arsenal» (2019) va «Vilyarreal» (2021) jamoalarini ushbu bosqichgacha boshlab kelgan. U faqatgina yuqoridagi klublardan birinchisi — «Valensiya» bilan finalga chiqa olmagan, xolos.