Markazlashgan tartibda o'tkazilayotgan futbol bo'yicha Elit Osiyo Chempionlar ligasining hal qiluvchi pallasi boshlandi. Musobaqaning yarim final bosqichidan o'rin olgan dastlabki uchrashuvda qit'amizning ikki kuchli jamoasi — Jiddaning «Al-Ahli» hamda Yaponiyaning «Vissel Kobe» klublari o'zaro bahs olib bordi.

Murosasiz kechgan bellashuvning birinchi bo'limida yaponiyalik futbolchilar tashabbusni o'z qo'llariga olib, hisobni ochishga muvaffaq bo'lishdi. Biroq uchrashuvning ikkinchi yarmida amaldagi chempion — Saudiya Arabistoni klubi iroda namoyish etib, vaziyatni o'z foydasiga o'zgartira oldi. Galeno hamda Touni tomonidan kiritilgan gollar «Al-Ahli» jamoasiga 2:1 hisobidagi muhim g'alabani taqdim etdi.

Shu tariqa, Jidda klubi qatorasiga ikkinchi bor ushbu nufuzli turnirning finaliga yo'l oldi.

Elit OChL. Yarim final
«Vissel Kobe» (Yaponiya) – «Al-Ahli» (Saudiya Arabistoni) – 1:2
Gollar: Muto (31) – Galeno (62), Touni (70).

Manba: www.stadion.uz.