Italiya terma jamoasining sobiq futbolchisi Fabritsio Ravanelli A Seriyaning joriy mavsumidagi oltin medallar uchun kurash haqida gapirdi.

Mutaxassisning fikricha, chempionlik poygasida "Milan" va "Inter" favorit bo'lib turibdi, "Yuventus"da esa sovrin uchun imkoniyat bo'lishi uchun yana bir-ikki yil kerak.

"Milan" va "Inter" Skudetto uchun oxirigacha kurashadi. "Yuventus"ga vaqt kerak, hozir ular bunday jamoalar bilan raqobatlasha olmaydi. Bosh direktor va butun rahbariyatga xotirjam ishlash imkoniyatini berish kerak," - deya Ravanellining so'zlarini keltiradi Corriere dello Sport.

"Milan" va "Inter" A Seriyada mos ravishda birinchi va ikkinchi o'rinlarni egallab turibdi. "Rossonerilar" hisobida 17 ochko bor, "neradzurrilar" esa undan ikki ochko kam jamg'argan. "Yuventus" 12 ochko bilan turnir jadvalida ettinchi o'rinda bormoqda.