Bolgariyada davom etayotgan kadetlar o'rtasidagi jahon chempionatining aralash jamoaviy bahslarida finalchilar aniqlandi.

Quvonarlisi, O'zbekiston terma jamoasi yakkalik bahslaridan keyin aralash jamoaviy bellashuvlarni ham ko'tarinki ruhda o'tkazmoqda. Dzyudochilarimiz 1/2 finalda Mo'g'uliston terma jamoasini 4:2 hisobida mag'lubiyatga uchratishdi.

Ikkinchi yarim finalda dzyudo vatani vakillari Yaponiya terma jamoasi Braziliyadan 4:2 hisobida ustun keldi. Medallar uchun kechadigan final dasturi bizning vaqt bilan soat 18:30da boshlanadi.