«Inter» yakshanba oqshomida Italiya chempionati doirasida «Torino»ga qarshi safar o'yinini o'tkazmoqda. Birinchi bo'lim davomida Federiko Dimarko o'z hisobiga golli uzatmani yozdirib qo'ydi.

Natijada, Dimarko A Seriya tarixini qayta yozdi — u bir mavsum davomida amalga oshirilgan golli uzatmalar soni bo'yicha rekordchiga aylandi. Joriy chempionatda Federiko allaqachon 17 bor sheriklariga golli pas berdi.

Bungacha rekord Alexandro Gomesga tegishli edi — 2019/2020 yilgi mavsumda ushbu futbolchi «Atalanta» tarkibida 16 ta golli uzatmani amalga oshirgan.

Shuni ta'kidlash joizki, golli uzatmalar bo'yicha statistika 2004/2005 yilgi mavsumdan buyon yuritib kelinadi.