Madridning "Atletiko" klubi bosh murabbiyi Diego Simeone jamoaning qishki transferlar oynasidagi rejalari haqida o'z fikrlarini bildirdi.

"Transferlar bo'yicha rejamiz bor va umid qilamizki, u yanvar oyi oxirigacha amalga oshadi. Mateu Alemanidan juda xursandmiz. Biz har kuni muloqot qilamiz va munosabatlarimiz juda yaxshi", - dedi argentinalik mutaxassis "Real Sosedad"ga qarshi o'yindan oldingi matbuot anjumanida.

Hozirda "matraschilar" La Ligada 37 ochko bilan 3-o'rinda bormoqda. Peshqadam "Barselona" bilan farq 9 ochkoni tashkil qiladi.